هاو تو إييت مانجا ؟

ذا آرت أوف إيتينج مانجا

---------------



المقادير :

مانجاية مكلبظة مبقلظة - سكينة صغنطوطة حامية - معلقة - طبق لارج - مفرش - مناديل

الطريقة :

أولاً : شباب الهاي لايف فايف ستيبس :

- قشر القشر بالسكينة

- فضي اللحم في الطبق

- ارمي البذرة

- استخدم المعلقة لأكل اللحم

- استخدم المنديل لمسح بواقي المانجا من على فمك

ثانياً : طريقتنا احنا بقى :

- امسك المانجاية المبقلظة وبصلها في عينيها - هتلاقيها تحت شوية على اليمين وفي منهم أعور - واديها قصيدة حب

- المانجاية هتدوب في إيدك وتبقى سوبيا

- امسك السكينة ... واديها غزة في كرشها ... هتلاقي الخير بيبظ منها

- قرب الطبق تحت فمك المبجل ليتلقى ما سيتساقط من الخطوة التالية

- اهجم على المانجاية بأسنانك ناصعة البياض وهاتك يا فرتكة لحد ما تجيب أجلها

- مصمص البذرة ... وممكن تشيلها تبقى تلعب بيها صلح في الحارة

- الهط ما سقط من فمك إلى الطبق ... واوعى تنساهم عشان همه دول البهاريز

- ارمي المفرش والمناديل في الطبق ... مش هتستعمل منهم حاجة عشان المفروض إن مفيش حاجة أساسا تتمسح أو تقع منك

- خدلك منجاية تانية وتابع الخطوات اعلاه من جديد



كل مانجو وأنت سو نايس