متأخر وصحيت
وع الشغل وجريت
دخل المدير وقال
احنا النهاردة مبيت
-----------
طحنا بعضينا
وسهرنا على عنينا
لازم نلحق نسلم
قبل رحلة مارينا
------------
الشغل وخلصناه
والجهاز وقفلناه
لقينا ناس بيقولوا
احنا اللي عملناه
-----------
ع المدير ورحنا طالعين
قلناله احنا متضايقين
نسهر وتطلع عينينا
وغيرنا اللي متقدرين ؟؟؟
------------
قالنا: والله لو عاجب
ده أنا ليكو مش حابب
وما دمنا فيها أهوه
استقالتكو بقت بالواجب
-----------
قاعد في البيت من غير فلوس
والحاجة بتدعي على الوحوش
نصبوا عليك يا ضنايا
يا رب هدي النفوس
----------
بفتح الجورنان
لقيت إعلان
مطلوب في الحال
شباب غلبان
---------
رحت واستحميت
ومن البارفان وحطيت
أخيرا في شغلانة
كنت خلاص استويت
--------
مقابلة وعملتها
والشغلة واستلمتها
حمدت ربنا
وعلى طول بدأتها
---------
متأخر وصحيت
وع الشغل وجريت
دخل المدير وقال
احنا النهاردة مبيت
وتستمر الحكاية
وتستمر
وتستمر
و .................... تستمر ... ه
No comments:
Post a Comment
كومنت ع التهييسة