عايز تلطم ومش عارف ؟؟؟
نفسك تقعد تصوت ومفكش نفس ؟؟؟
دماغك هتطق ونفسك تخبطها في أقرب عمود خرسانة ؟؟
--------------
إليك الحل المثالي ... ملطمة الهلال والنجمة
أجدع ملطمة في شرق الغربية وجنوب الاسكندرية وحواري الدقهلية
ملطمة متعددة الاستخدامات والأغراض
الملطمة ... اللي بتلطم بتلطم بتلطم، لحد ما يبانلك صحاب
----------------
مع ملطمة الهلال والنجمة ... متشيلش هم اللطم
احنا هنلطملك لما تقول يا بس ... ومن غير ما ترفع إيدك نص سنتي حتى
الملطمة مش بتلطم بس ... دي بتخنق في روحك وبتخبط الدماغ ... ولو الموضوع طول عليك ممكن تعملك عملية إنتحار شيك من الغالي
ملطمتنا ... هي الملطمة الوحيدة الحاصلة على أيزو "فكك مني" ... وجائزة "ياخانقني" الدولية التقديرية
كووووووووول ده بـ 99 جنيه فضة ونص جنيه ورق
-----------------
مع ملطمة الهلال والنجمة ... الصويت عليك، واللطم علينا
No comments:
Post a Comment
كومنت ع التهييسة