Tuesday, December 18, 2007

شات فرعوني

المكان : موقع فراعنة دوت كوم

الزمان : زماااااااااااااااااااااااااااان أوي ...

الحوار:

فرعون : هاي ... ممكن نتعرف
فرعونة : ممكن طبعا
فرعون : تحتمس فرغلي - 21 سنة - طيبة
فرعونة : كليوباترا ست أبوها - 20 سنة - هليوبليس
فرعون : سجاير يعني .... unsure.gif
فرعونة : ؟؟؟؟؟؟؟ huh.gif
فرعون : هليوبليس ؟. .. شكلك بنت ناس 001.gif
فرعونة : طبعا ... أبويا ظابط جيش فرعوني قد الدنيا .. برتبة تلات أهرامات وأبو الهول ... ph34r.gif
فرعون : جميل جدا ... انتي ايه هواياتك ؟؟
فرعونة : بتعلم هيروغليفي وموسيقى ... وانت ؟
فرعون : بحب أرسم على الحيطان ...
فرعونة : عيل يعني .... 006.gif
فرعون : الله الله الله ... ولزمته ايه الغلط ده ؟
فرعونة :أنا آسفة ... مش قصدي ... بس يعني ايه بترسم على الحيطان ...
فرعون : يعني بروح الهرم وأرسم على الحيطة بتاعته ... رسام يعني
فرعونة : أيوه ... سوري ... باردون ... مكنش قصدي
فرعون : ولا يهمك ...
فرعونة : طيب إنت باباك شغال إيه
فرعون : أهو .... عمال بيبني في الهرم التالت ... أما نشوف أخرتها إيه
فرعونة : بس أنا سمعت إن الموضوع ده اتمسك فيه مهندس بيغش في المونة ...
فرعون : أيوه ... أنا عارف ... ماهو أبويا cool.gif
فرعونة : بجد ؟ يعني باباك مجرم ؟؟؟
فرعون : اسمها حرامي لو سمحتي ...
فرعونة :طيب .... حرامي حرامي .... أهو كلهم لصوص
فرعون : !!!!!!!!!!!!!!blink.gif
فرعونة : انت بتحب الشعر
فرعون : أكيد ... وأكتر واحد أحبه هوه امنمحات ... تحسي إن شعره زي شعبان عبد الرحيم
فرعونة : أيوه ... خصوصا في بردية "إيزيس والملوخية"
فرعون : فعلا ... دي هيه دي المفضلة عندي .... شكلك ليكي نفس مزاجي ... أنا بدأت أرتاحلك
فرعونة : أنا فعلا حاسة إني مرتحالك
فرعون : كليوباترا ... أنا عايز أقولك حاجة unsure.gif
فرعونة : قول يا فرغلي
فرعون : بلاش الاسم ده
فرعونة : سوري ... قول يا تحتمس
فرعون : أنا حاسس كده إني ....
فرعونة : إنك ايه ؟
فرعون : إني بــ .....
فرعونة : بتـــ ... ايه ...؟؟؟
فرعون : بحبك
فرعونة : ..............
فرعون : خير في حاجة ؟؟؟
فرعونة : لأ ... أصلك صدمتني .... 005.gif
فرعون : كليوباترا ... أنا ممكن أعمل أي حاجة عشان أشوفك ...
فرعونة : مينفعش يا تحتمس .... أصل بابي حمقي أوي ... ولو شافنا مع بعض هيدفنك بالحيا في سقارة ....
فرعون : أنا ميهمنيش أي حد ... المهم أشوفك ...... ممكن نهرب مع بعض
فرعونة : طيب ونروح فين ؟
فرعون : أي حتة في مصر
فرعونة : ونسكن فين ؟
فرعون : أي ورقة بردي تغطينا تحتيها
فرعونة : وناكل منين ؟
فرعون : هشتغل أي حاجة ... إن شاء الله أزرع بانجو
فرعونة : تحتمس
فرعون : يا عيون تحتمس من جوه ........
فرعونة : أنا موافقة
فرعون : هيييييييييييييييييه 022.gif 022.gif 022.gif
فرعونة : بس هبقى أكلمك تاني عشان أكد عليك
فرعون : أو-كي .... مفيش بروبلم cool.gif
فرعونة : طيب باي دلوقتي
فرعون : باي يا كليوباترتي




-------------------------------------------------------------------wub.gif
Posted by at

9 comments:

  1. lopezApril 18, 2009 at 5:38 AM

    This comment has been removed by a blog administrator.

    ReplyDelete
  2. moshakesMay 15, 2009 at 8:39 PM

    مرة فرعون هو وكيلو باترا كانو مستعجلين جدا علي نفرتيتي فكانوا متاخرين وكان الزفة بدات فقام فرعون واخد العربية bmwبتاعتة وجرى علي الفرح كان يدوبك تامر حسني لسة واصل
    فرح

    ReplyDelete
  3. AnonymousJune 27, 2009 at 12:50 AM

    انت متأكد انت دى كانت تهييسه !!!!!!!!!! اظن انى سمعت الفلم ده قبل كده و كان ابطاله اتنين من كليه التجارة ...... و تقريباً اتجوزا عرفى بعد كده و الفرعونه دى اصبحت متعوده .... دايماً

    ReplyDelete
  4. Yusuf EltelpanyJuly 5, 2009 at 12:29 PM

    لا يا عم ... دي تهييسة بكل دلائل التهييس ومدونة في السجل المدني

    آني ما ليش دعوة
    ^^

    ReplyDelete
  5. AnonymousAugust 20, 2009 at 5:47 AM

    بيييييييييييييييضه بشكل

    ReplyDelete
  6. An0NyAugust 25, 2009 at 12:04 PM

    هو مين فرعون و كيلو باترا دول؟؟؟؟؟؟؟؟

    ReplyDelete
  7. logeNovember 10, 2009 at 10:35 PM

    لدرجه دى التهيس ينتبق على الافلام العكس صحيح

    ReplyDelete
  8. حمامصىJanuary 6, 2010 at 10:34 PM

    أنا مش فاضيلك يا بنى ورايا امتحانات :D
    كدة هتخلينى أقعد ع المدونة للصبح :angry:

    ReplyDelete
  9. معالى الوزيرJune 29, 2012 at 1:36 AM

    السلام عليكم

    ReplyDelete

كومنت ع التهييسة

Subscribe to: Post Comments (Atom)